Махсус имкониятлар
Бугун вилоят Ички ишлар бошқармаси бошлиғи Самарқанд туманидаги 33-сонли умумтаълим мактабида ўтказилган “Сўнги қўнғироқ” тадбирида иштирок этди. Битирувчиларга Президентимизнинг мамлакатимиз мактабларини битирувчи ўғил-қизларига йўллаган табригини ўқиб эшиттирди. Мактаб таълимини муваффақиятли тугатган ўқувчиларни табриклаб, уларга сиҳат-саломатлик, ишда ва келгуси ўқишларида, шахсий ҳаётларида улкан омад ва зафарлар тилади.
Ўқувчилар билан дилдан суҳбат қурилиб, эсдалик учун бадиий китоблар совға қилинди.
“Сўнги қўнғироқ”дан сўнг, битирувчилар учун вилоят Ички ишлар бошқармасига экскурсия ташкил қилинди.
Ёшлар Бошқарма фаолияти билан танишиб, катта таассуротларга эга бўлишди. Шунингдек, келгусида ички ишлар органларига ишга кириш истагида бўлган ёшлар ўзларини қизиқтирган саволларига атрофлича жавоб (https://t.me/samiibuz/10941) олдилар.
