Aholiga birlamchi tibbiy-sanitariya yordamini ko‘rsatish, kasalliklarni profilaktika qilish va barvaqt aniqlash maqsadida Samarqand tumanidagi olis va chekka hududlarga maxsus konteynerlar o‘rnatilishi belgilangan.
Bu orqali tumandagi mahalla fuqarolar yig‘inlarida “mahalla tibbiy punkt”lari tashkil etish orqali hududlarda istiqomat qiluvchi aholiga tibbiy xizmat ko‘rsatish yanada yaxshilanadi va yaqinlashadi.

Самарқанд тумани ҳокими С.Усмановнинг тегишли қарорига асосан Абдуллаев Отабек Азимжонович Самарқанд тумани ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.

О.Абдуллаев Самарқанд шаҳар ҳокимлиги Ободонлаштириш бошқармаси бошлиғи лавозимида ҳам фаолият кўрсатган.

Samarqand tumanida jami 64 ta muzlatkichli kameralar va omborxonalar faoliyat yuritmoqda. Xususan, oddiy, vakumli, shokli va amiyakli muzlatkichlar mavjud. Ularning quvvati esa 49 ming 485 tonnaga teng.
Samarqand tumani hokimligi tomonidan tashkil etilgan navbatdagi press-tarda ayni qishloq xo‘jaligi mahsulotlarini saqlashga mo‘ljallangan yirik sovitkichli omborxonalar faoliyati tanishtirildi.

Ochiq muloqot tarzida o‘tgan uchrashuvda fuqarolar o‘zlarini qiynayotgan savollar bilan murojaat qildi. Xususan, davlat xizmatlari, pensiya va nafaqa tayinlash, yoshlar bandligi masalalarida 20 dan ortiq aholi muammosi o‘rganildi.

Kelib tushgan murojaatlar ijrosini ta’minlash bo‘yicha tumandagi tegishli tashkilot va korxonalarning mas’ullariga ko‘rsatmalar berildi.

“Zarafshon” gazetasining 2022 yil 7 aprel kungi sonida “Samarqand tumanida sportga e’tibor berilmaydimi?” nomli maqola yuzasidan quyidagilarni ma’lum qilamiz:
Bugun tuman hokimi S.Usmanov tumandagi 1 va 2-son bolalar-o‘smirlar sport maktabiga holatga aniqlik kiritish va ko‘rsatib o‘tilgan kamchiliklarni joyida bartaraf etish maqsadida tashrif buyurdi.
O‘rganish davomida 1 va 2-son bolalar-o‘smirlar sport maktabi jamoasi va faxriy murabbiylari bilan suhbat o‘tkazilib, mavjud muammolar va ularni bartaraf etish yuzasidan takliflar eshitildi. 

Qabulda dastlab tuman hokimi Nurafshon, Saxovat, Arabxona va Xishrav mahallalarini qanday muammolar qiynayotgani bilan qiziqdi. Xususan, mahallalarni uzluksiz elektr energiyasi bilan ta’minlash eng muhim vazifalardan biri ekanligini ta’kidladi. Shuningdek, ichki yo‘llarni ta’mirlash, hududni obodonlashtirish, ichimlik suvi ta’minotini yaxshilash masalalariga jiddiy e’tibor qaratilishini bildirdi. Bunda mahalla raislarining o‘z mahallalarida eng avvalo, qaysi muammolarni bartaraf etish zarurligi to‘g‘risidagi takliflarini tingladi.
Shundan so‘ng fuqarolar murojaatlari o‘rganildi.