Bugungi kunda tuman hududida tartib-intizomni mustahkamlash, hududiy ko‘rkni buzuvchi va qonunga zid holda o‘rnatilgan reklama vositalarini bartaraf etish ishlari olib borilmoqda.

Xususan, Qo‘shtamg‘ali, Qoziariq hamda Juyisoy mahallalarida noqonuniy tarzda o‘rnatilgan reklama vositalari aniqlanib, belgilangan tartibda olib tashlanmoqda. Tadbir davomida tadbirkorlarga “Reklama to‘g‘risida”gi qonunning mazmun-mohiyati batafsil tushuntirilib, faoliyatni qonuniy asosda olib borish zarurligi tushuntirildi. 

Mazkur ishlar aholining qulayligi, mahallalarning obodon qiyofasini ta’minlash hamda tadbirkorlik faoliyatida qonunchilikka qat’iy rioya qilishni yo‘lga qo‘yishga xizmat qilmoqda.