Bugun Samarqand tumanidagi “Bobur agro innovatsiya” fermer xo‘jaligida xalqaro tashrif doirasida muhim tadbir bo‘lib o‘tdi. Unda Yaponiyaning tashqi ishlar vaziri Takesi Ivaya mehmon sifatida ishtirok etib, hududda amalga oshirilayotgan zamonaviy qishloq xo‘jaligi ishlari bilan yaqindan tanishdi.

Tashrif davomida vazir xo‘jalikda yetishtirilayotgan olma va uzum plantatsiyalari, ularni parvarishlash jarayonlari, qo‘llanilayotgan innovatsion uslublar hamda eksport salohiyati bilan tanishdi. Shuningdek, mahalliy dehqonlar bilan muloqot qilinib, ular ishlab chiqarish samaradorligini oshirish, xalqaro tajriba almashish masalalarini muhokama qildilar.