Ijtimoiy tarmoqlar orqali Samarqand tumani “Qo‘shko‘prik” MFY “Sarimozor” guzarida yashovchi fuqarolar nomidan yo‘llangan murojaatda mazkur ko‘chada yashovchi fuqaro tomonidan suv yo‘lining o‘zboshimchalik bilan yopib tashlangani natijasida yog‘ingarchilik kunlarida ko‘chani suv bosayotgani shikoyat qilingan.

Holatni mutasaddi tashkilot vakillari joyiga borib o‘rganganda haqiqatda ko‘chani suv bosayotgani, ko‘cha ta’mirtalab ekani aniqlangan. Mazkur ishni bartaraf etish maqsadida ko‘cha to‘liq asfalt qilinib ariq va zovurlar tozalangan.