Махсус имкониятлар
Гулбоғ маҳалласида туман ҳокими вазифасини вақтинчалик бажарувчи И.Комилов фуқаролар учучн сайёр қабул ўтказди. Қабулда Халқ қабулхонаси мудири И.Муродов, туман ҳокимининг ўринбосари Ш.Хасанов ҳамда ташкилот раҳбарлари иштирок этди.
Фуқаролар томонидан ишга жойлашиш, йўлларни таъмирлаш, тоза ичимлик суви билан таъминлаш, имтиёзли кредит олиш, суюлтирилган газ баллонлари ажратилиши, соғлиқни сақлаш ва уй-жой, моддий ёрдам, тадбиркорликни қўллаб-қувватлаш каби 20 га яқин масалаларга оид мурожаат келиб тушди.
Мазкур мурожаатларни жойида ўрганиш ва бу бўйича таклифлар киритиш тўғрисида масъулларга топшириқ берилди. Ечими маълум вақт талаб этадиган мурожаатлар бўйича тегишли ташкилотларга аниқ кўрсатмалар берилиб, ижроси назоратга олинди.
